അമ്പലപ്പാറ
ഗ്രാമ പഞ്ചായത്ത്

അമ്പലപ്പാറ: ആഗോള ഫുട്ബോൾ മാമാങ്കത്തെ വരവേൽക്കാൻ അമ്പലപ്പാറ ഗ്രാമപഞ്ചായത്ത് ഒരുങ്ങി🥳. ലോകകപ്പിന് ഐക്യദാർഢ്യം പ്രഖ്യാപിച്ചുകൊണ്ട് അമ്പലപ്പാറ ഗ്രാമപഞ്ചായത്തിന്റെ നേതൃത്വത്തിൽ ലോകകപ്പ് വിളംബര റാലി നടത്തി. ⚽
ഇന്നലെ (09/06/2026) വൈകീട്ട് 4 മണിക്ക് അമ്പലപ്പാറ ഗ്രാമപഞ്ചായത്ത് ഓഫീസിന്റെ മുന്നിൽ നിന്നാണ് ആവേശോജ്ജ്വലമായ റാലി ആരംഭിച്ചത്. വർണ്ണശബളമായ ജേഴ്സികളണിഞ്ഞും പതാകകളേന്തിയും കായികപ്രേമികളും, പൊതുജനങ്ങളും റാലിയിൽ അണിനിരന്നു.

🎶ഡി.ജെ മ്യൂസിക്കും ബൈക്ക് റാലിയും; ആവേശം വാനോളം🏍️💨

റാലിക്ക് മാറ്റ് കൂട്ടിക്കൊണ്ട് യുവാക്കൾ അണിനിരന്ന റോഡ് ഷോയും ബൈക്ക് റാലിയും ജനശ്രദ്ധ ആകർഷിച്ചു. ഒപ്പം ഡി.ജെ മ്യൂസിക്കിന്റെ താളത്തിനൊത്ത് നൃത്തം ചവിട്ടിയും ആർപ്പുവിളിച്ചും ആരാധകർ അമ്പലപ്പാറയുടെ തെരുവുകളെ ഉത്സവപ്പറമ്പാക്കി മാറ്റി. പഞ്ചായത്ത് ഓഫീസിൽ നിന്ന് ആരംഭിച്ച വിളംബര ഘോഷയാത്ര അമ്പലപ്പാറ പഞ്ചായത്ത് കല്യാണമണ്ഡപത്തിലാണ് സമാപിച്ചത്. 🏢🏁

🎁മികച്ച ഫാൻസിന് സമ്മാനങ്ങൾ🥇

ലോകകപ്പ് ആവേശം ഇരട്ടിയാക്കാൻ റാലിയിൽ പങ്കെടുത്തവരിൽ നിന്ന് മികച്ച ഫാൻസിനെ (ആരാധകരെ) തിരഞ്ഞെടുത്ത് പ്രത്യേക സമ്മാനങ്ങൾ വിതരണം ചെയ്തു. വ്യത്യസ്തമായ രീതിയിൽ പ്രിയപ്പെട്ട ടീമുകളെ പിന്തുണച്ചെത്തിയവർ സമ്മാനങ്ങൾക്ക് അർഹരായി. 🏆✨

വിജയികൾ ഇവർ:

🏆 ഒന്നാം സ്ഥാനം: കാനറിപ്പടയുടെ കരുത്തുമായി അണിനിരന്ന ബ്രസീൽ ആരാധകർ ഒന്നാം സ്ഥാനം സ്വന്തമാക്കി.
🥈 രണ്ടാം സ്ഥാനം: ആവേശം ഒട്ടും ചോരാതെ നീലയും വെള്ളയും കടലായി മാറിയ അർജൻറീന ആരാധകർ രണ്ടാം സ്ഥാനം കരസ്ഥമാക്കി.
🥉 മൂന്നാം സ്ഥാനം: സിആർ7-ന്റെ കരുത്തിൽ അണിനിരന്ന പോർച്ചുഗൽ ആരാധകർക്കാണ് മൂന്നാം സ്ഥാനം.

ഗ്രാമപഞ്ചായത്തിലെ കായിക സംസ്കാരം വളർത്താനും, ഒപ്പം ലോകകപ്പിന്റെ നല്ലൊരു കായിക അന്തരീക്ഷം നാട്ടിൽ നിലനിർത്താനും ഈ പരിപാടിയിലൂടെ സാധിച്ചു. വിജയികളായ എല്ലാ ടീമുകൾക്കും ഗ്രാമപഞ്ചായത്തിന്റെ അഭിനന്ദനങ്ങൾ

വിവിധ ജനപ്രതിനിധികളും, രാഷ്ട്രീയ-സാംസ്കാരിക രംഗത്തെ പ്രമുഖരും, കായിക ക്ലബ് ഭാരവാഹികളും, റാലിക്ക് നേതൃത്വം നൽകി. കാലാവസ്ഥയേപ്പോലും അവഗണിച്ച് പ്രായഭേദമന്യേ നിരവധി പേരാണ് ഈ കായിക മാമാങ്കത്തിന്റെ വിളംബര ജാഥയിൽ പങ്കാളികളായത്. ഒടുവിൽ കല്യാണമണ്ഡപത്തിൽ നടന്ന സമാപന സമ്മേളനത്തോടെയാണ് വിളംബര റാലിക്ക് വിരാമമായത്. 🎇👏